Një sasi prej 20 ton kastravecë importi është bllokuar nga Autoriteti Kombëtar i Ushqimit, pasi kanë rezultuar me përmbajtje të pesticideve mbi normën e lejuar.
AKU është njoftuar nga vendi importuar në lidhje me sasinë e kastravecëve me përmbajtje të lartë pesticide.
Pas këtij njoftimi, Autoriteti Kombëtar i Ushqimit ka kryer verifikimet në zbatim të legjislacionit në fuqi në subjektin eksportues të këtij produkti, ku është bërë dhe bllokimi i menjëhershëm i kësaj sasie. Subjektit i është lënë detyrë të marrë masat për asgjësimin e tij.
AKU po bashkëpunon me institucionet e tjera ligjzbatuese AREB dhe ARSHVMB, ku në bazë të sistemit të gjurmuesmërisë të administruar në subjektin eksportues, të vijohet me mbikqyrjen e subjekteve/fermerëve, mbi përdorimin e pesticideve dhe respektimin e karencës së përdorimit të produktit.
K.M//ReportTv.al
