Sekretari i Shtetit i SHBA Antony Blinken mbërrin në Arabinë Saudite
Sekretari amerikan i Shtetit, Antony Blinken, mbërriti në Arabinë Saudite të hënën, ndalesa e parë në një udhëtim më të gjerë në Lindjen e Mesme për fillimin e një raundi të ri bisedimesh për një armëpushim midis Izraelit dhe Hamasit dhe rritjen e ndihmës humanitare në Rripin e Gazës.
Diplomati i lartë amerikan shkon në Izrael në fund të kësaj jave, ku pritet të bëjë presion ndaj kryeministrit izraelit Benjamin Netanyahu për të ndërmarrë hapat konkretë dhe të prekshëm që Presidenti i SHBA Joe Biden kërkoi këtë muaj për të përmirësuar situatën e tmerrshme humanitare në Gaza.
Në Riad, Blinken pritet të takohet me liderë të lartë sauditë dhe të zhvillojë një takim me homologët e pesë shteteve arabe, Katari, Egjipti, Arabia Saudite, Emiratet e Bashkuara Arabe dhe Jordania, për të çuar më tej diskutimet mbi atë se çfarë do të qeverisja e Rripit të Gazës pas luftës.
Blinken pritet gjithashtu të diskutojë se si Perëndimi mund të ndihmojë në përpjekjet e rindërtimit e Gazës, e cila është kthyer në një shkretëtirë nga bombardimet gjashtëmujore izraelite.
Sekretari i Shtetit i SHBA Antony Blinken mbërrin në Arabinë Saudite
Lajmi kryesor:
Lufta/ Bastisje izraelite në Rafah, të paktën 27 të vdekur! Hamasi: Propozimi i armëpushimit është duke u studiuar! Blinken në Arabinë Saudite
SI.E./ReportTv.al