Biskota festive me reçel
Përbërësit:
- 75 gr sheqer pluhur
- 270 gr miell
- 150 gr gjalpë
- 2 të verdha veze
- 100-150 gr reçel për mbushje
- 1 bustinë vanilje
- Sheqer pluhur për dekor
Përgatitja:
Vendosim në një enë gjalpin, sheqerin dhe e rrahim me pirun sa të kthehet në krem. Shtojmë të verdhat e vezëve, vaniljen, miellin dhe e përziejmë me dorë. E mbulojmë me qese brumin dhe e lëmë 30 minuta në frigorifer. Më pas brumin e biskotave e hapim në petë të trashë dhe i presim biskotat me forma të ndryshme. I vendosim në tavë në letër pjekje në furrë të parangrohur në 180 gradë për 12-15 minuta. Pasi të jenë ftohur pak i spërkatim me sheqer pluhur, vendosim në gjysmat e biskotave nga një lugë reçel dhe vendosim sipër biskotat e tjera. I pudrosim me sheqer pluhur dhe janë gati për servirje.
MC/ReportTv.al
Komento
