LEZHË- Një punëtor ndërtimi humbi jetën, pasi u aksidentua në punë në zonën e Kunës në Shëngjin. Ngjarja ndodhi rreth orës 8:00 të së shtunës, kur Arjan Lazri ra nga skela dhe ndërroi jetë për shkak të plagëve të shumta në kokë e trup.
Gjatë punës, 45-vjeçari ka rënë nga lartësia e objektit në ndërtim në zonën bregdetare.
Policia shoqëroi në komisariat administratorin e firmës së ndërtimit, Agim Keci, ndërsa Inspektorati Shtetëror i Punës po kryen verifikime pasi dyshohet se nuk janë zbatuar rregullat e sigurisë në punë.
Ky është aksidenti i katërt në pune me pasojë vdekjen brenda pak muajsh në Qarkun e Lezhës.
M.Q./ReportTv.al
Komento
