TIRANE-Policia ka arrestuar një 40-vjeçar të shpallur në kërkim nga drejtësia italiane për vjedhje. I arrestuari është Shkëlqim Çela (Çypi), alias Arian KontiI, alias Fatjol Perleka, alias Shkelqim Qypi, 40 vjeç, lindur dhe banues në fshatin Luz, Fushë Krujë.
Ai ishte shpallur në kërkim ndërkombëtar nga autoritetet italiane, pasi Gjykata e Udines në Itali e ka dënuar me 9 vjet, 11 muaj e 20 ditë burg, për veprën penale “Vjedhja në rrethana rënduese”, parashikuar nga nenet 624 dhe 625, të Kodit Penal Italian. Arrestimi provizor u krye me qëllim ekstradimin e tij drejt Italisë.
Komento
