Këtë të hënë është përmbyllur 3 ditëshin festiv, me rastin e festës së Zojës së Shkodrës. Në kryeqendrën e Veriut prej kohëve të lashta nderohet me përkushtim të veçantë, figura e Zojës.
Mesha solemne u drejtua nga ipeshkvi, imzot Angelo Massafra. Në fjalën e tij para besimtarëve, imzot Massafra u ndal te luftërat në botë, ku tha se shumë luftëra zhvillohen në emër të Hyjit, por Hyji nuk ka lidhje me luftën. Ai u lut për paqe në tokën e shenjtë të Jeruzalemit.
“Luftrat shkaktojnë viktima të pafajshme. Hyji nuk ka lidhje me luftën”.- tha Imzot Angelo MASSAFRA, Arqipeshkv i Dioqezës Shkodër-Pult.
Një natë më parë u mbajt edhe mesha e vigjiljes, ku nuk mungoi edhe shfaqja e fishekzjarrëve dhe një koncert artistik pranë kishës katolike në Shkodër.
M.Q.//ReportTv.al