Ministria e Mbrojtjes ditën e sotme në samitin e NATO-s deklaroi se qeveria gjermane ka finalizuar një paketë ndihme ushtarake prej 700 milionë euro për Ukrainën.
Ministri gjerman i Mbrojtjes, Boris Pistorius, deklaroi se kjo paketë ka përfshirë dy sisteme raketash të tipit Patriot nga stoku i Bundeswehr-it, 40 automjete të tjera luftarake të tipit Marder, 25 tanke luftarake Leopard A5, si dhe pesë tanke Bergepanzer 2.
Ai përfshin një shtesë prej 20,000 fishekësh municionesh artilerie dhe 5,000 fishekë municione tymi prej 155 mm.
“Paketa u shërben prioriteteve të Ukrainës: mbrojtje ajrore, tanket dhe artileria. Ne po japim një kontribut të rëndësishëm në forcimin e qëndrueshmërisë së Ukrainës", tha në një deklaratë ministri i mbrojtjes Boris Pistorius.
Gjatë muajve të parë të pushtimit në shkallë të plotë të Rusisë në Ukrainë në shkurt 2022, Gjermania hezitoi të dërgonte armë në Kiev, nga frika se kjo do të çonte në një konflikt të drejtpërdrejtë Rusinë dhe Ukrainën.
Por Berlini më vonë ndryshoi në mënyrë dramatike qëndrimin e tij, duke u bërë furnizuesi i dytë më i madh i Ukrainës me armë pas SHBA-së.
S.S/ReportTv.al