Vijojnë kontrollet Policia Rrugore e Beratit me qëllim parandalimin e aksidenteve si dhe evidentimin e të gjithë shoferëve që janë në shkelje të rregullave të qarkullimit.
Kontrollet janë përqendruar kryesisht në drejtim të shkeljeve që janë burim aksidenti, ku si rezultat janë gjobitur 353 shoferë, për shkelje të ndryshme të rregullave të qarkullimit rrugor.
Gjithashtu janë nën hetim 4 persona pasi u kapën duke qarkulluar pa pasur leje drejtimi.
Si rezultat i kontrolleve të vazhdueshme të Policisë Rrugore janë vendosur 353 gjoba në të cilat:
· 12 drejtues mjetesh janë proceduar administrativisht për tejkalim të normave të shpejtësisë.
· Janë proceduar administrativisht 10 drejtues mjetesh, për përdorim të aparatit celular gjatë drejtimit të mjetit.
· 34 drejtues mjetesh janë proceduar administrativisht për mosvendosjen e rripit të sigurimit.
· Janë vendosur 53 masa administrative për parakalime të gabuara.
· Janë pezulluar 2 leje drejtimi, për drejtim mjeti nën efektin e alkoolit.
· Janë vendosur 25 masa administrative për drejtim të motomjetit, pa kaskë mbrojtëse.
· Gjithashtu janë vendosur 219 masa të tjera administrative, për shkelje të rregullave të ndryshme të qarkullimit rrugor.
Policia Rrugore e Beratit njofton se do të vijojë kontrollet në të gjitha akset rrugore urbane, interurbane dhe rurale, për të gjitha kategoritë e mjeteve, me qëllim parandalimin e aksidenteve rrugore.
S.C//ReportTv.al