TIRANE-Bashkimi Europian ka bërë gati për të ndihmuar 10 vende partnere, mes tyre kandidatet për në union me një paketë 3 miliardë euro për të përballuar situatën e shkaktuar nga koronavirusi. Shqipërisë i propozohen 180 mln euro kredi me kushte shumë të favorshme.
"KE propozon të ndahen 180 milion € në formë kredie me kushte shumë të favorshme për të ndihmuar në mbrojtjen e qytetarëve dhe zbutjen e pasojave negative socio-ekonomike" shkruan ambasadori i BE-së në Tiranë, Luigi Soreca.
Komisioneri për Zgjerimin në Bruksel Oliver Varhelyi thekson se "Paketa e ndihmës makro-financiare prej 3 miliardë eurosh për të mbështetur dhjetë vendet fqinje është një komponent i rëndësishëm i përgjigjes globale të BE ndaj pandemisë COVID-19" tha ai. Propozimi, sipas Komisionit Europian vjen pas një vlerësimi paraprak të nevojave për financim.
Vendet që përfitojnë kredi dhe shuma;
Republika e Shqipërisë 180 milion €
Bosnja dhe Hercegovina 250 milion €
Gjeorgjia 150 milion €,
Jordania 200 milion €
Kosova 100 milion €
Moldavia 100 milion €
Mali i Zi 60 milion €
Maqedonia 160 milion €
Tunizia € 600 milion
Ukraina 1.2 miliardë €
Theksojmë se BE-ja i dhuroi 50 milionë euro grante Shqipërisë për përballimin e situatës nga Covid-19, 4 milionë janë për pajisjet mjekësore.
//ReportTv.alKomente
Do i vjedhine prandaj shqiptarët ikin nga sytë kembete sepse qe kur eshte ndertuar shteti shqiptar kemi pasur në krye vetem batakçinj hajdute qe kane parë xhepat e tyre dhe jo integritetin e vendit dhe individit. Me pak fjalë nuk eshte bere asgjë qe shqiptari të mos jetë skllavi I të tjereve.
Përgjigju