Ministrat e financave të Bashkimit Europian kanë gjetur dakordësinë të mbështetur ekonomikisht të gjitha vendet e unionit duke e përballuar bashkërisht situatën shëndetësore dhe ekonomike gjatë pandemisë. Marrëveshja përfshin 500 miliardë euro për të ndihmuar unionin për përballimin e COVID-19 dhe hapi i radhës është miratimi edhe nga krerët e shteteve të Bashkimit Europian.
Dakordësia parashikon mbështetje të përbashkët të unionit për papunësinë sistemit shëndetësor dhe sipërmarrjet. Në mbledhje u miratua edhe mundësia e përdorimit të eurobondeve gjatë pandemisë.
Takimi që zgjati 45 minuta u mbyll me duartrokitje të të gjithë ministrave të ekonomisë të BE. Europa tregoi që është solidare, ky ishte komenti i ministrit të Ekonomisë italiane, Paolo Gentiloni në përfundim të mbledhjes.
