Tingujt e çiftelisë dhe lahutës e kanë shoqëruar që në fëmijëri Ndue Gjergj Sukën.
Në kohën e lirë, 80 vjeçari merret me gdhëndjen e tyre, por një pjesë të ditës ia merr dhe telefoni.
“Telefonin di ta përdor në të tëra mënyrat. Shoh lajme, këngë, filma. I vjetër jam, por di ta përdor. Humb kohën duke çuar mesazhe, fotografi”, shprehet ai.
"Që në vitet 60-të kam gdhendur çifteli dhe lahuta.Mund të punoj dhe 10 vjet me to, pastaj kur të bëj 90 vjeç se di ku do jem”, thotë ndër të tjera.
Ka 25 nipër e mbesa, por trinjakët janë lezeti i shtëpisë. Çdo ditë në këtë familje, muzika është prezente. Elizabeta luan në piano, Emanueli i bie çiftelisë, violincelit, lahutës dhe pianos ndërsa Emanuela violinës.
Për më shumë ndiqni videon e emisionit të plotë. Emisioni “Një nga ne” transmetohet çdo të mërkurë ora 20:00 në ekranin e Report Tv.
I ftuar në emisionin “Një nga ne” në Report Tv ka qenë Ndue Gjergj Suka, banues në fshatin Dobraç i Ri në Shkodër. Në rrëfimin e tij ai vë theksin tek jeta e vështirë që ka bërë.
“Kam punuar gjithë jetën, kam bërë punë të rënda. Nuk e kam shijuar rininë. Tani jetojnë më mirë fëmijët”, tregon 80 vjeçari.
