Flamurtari është fituesi i Kupës së Shqipërisë në basketboll për femra. Ndeshja finale e zhvilluar në Pallatin e Sportit "Flamurtari" në Vlorë u vendos në sekondën e fundit, me vlonjatet që fituan 80-79 kundër vajzave të Partizanit.
Një sekondë para fundit të sfidës, Partizani ishte me një pikë para, por u desh aksioni i fundit dhe një hutim i vajzave të kuqe që vlonjatet të shënonin një dypikësh të fundit dhe të kalonin 80-79.
Për të dytin sezon radhazi, Flamurtari i vajzave në basketboll mposht me një pikë diferencë Partizanin dhe shpallet fituese e Kupës. 16-24, 20-18, 25-19 dhe 19-18, këto ishin pikët për secilin set.
Në fundin e duelit, Partizani nuk ishte pjesë e ceremonisë së trofeut, duke u larguar në shenjë proteste, pasi ekipi nga Tirana pretendoi për një faull në aksionin e fundit, ku u shënua pika e fitores për Flamurtarin.
S.DH/ReportTv.al
