Kryetari i Partisë Demokratike po zhvillon një takim me strukturat e PD-së në Kamëz, ndërsa u shpreh para demokratëve se të gjitha kauzat e kësaj partie janë vërtetuar dhe se do të vendosen para përgjegjësisë nga i pari të i fundit për aferën 430 milionë euroshe të inceneratorëve. Kreu i PD-së tha se të mërkurën pritet që të shkojë Edi Rama dhe të raportojë para komisionit për inceneratorët.
'Detyra e parë e çdo demokrati është të bëjë gjithçka që kemi në dorë për ta larguar Edi Ramën dhe bandën e tij një orë e më parë. Dhe për ta bërë këtë, kemi një sërë detyrash përpara të cilat do të kishin qenë të vështira në çdo rast. Shikoni si ka shpërthyer ujërat e zeza të kësaj qeverie. Të gjithë kauzat tona janë vërtetuar. Drejtësia e tyre, është vërtetuar. Sakrifica juaj për t’i dalë në ballë këtyre kauzave krah për krah njëri-tjetrit, në beteja pafund në këto vite, është vërtetuar.
Ku e keni sot yllin në ngjitje Saimir Tahirin? Autorin e kriminalizimit të Policisë së Shtetit, të dhunës barbare të njerëzve të pafajshëm dhe të kanabizmit të Shqipërisë. Ku është? Tek 313-ta. Po kjo, 430 milionë euro. Kur filluam të flisnim për aferën, a kurset e opozitës, kështu e ka opozita, shikoni si ditë për ditë po dalin faktet. Besoj e keni ndjekur komisionin e inceneratorëve, punën e jashtëzakonshme, që po bëjnë përfaqësuesit tanë në atë komision nga drejtuesja e komisionit nënkryetarja e partisë Jorida Tabaku, e cila në mënyrë të patrembur i ka vënë para përgjegjësisë nga i pari të i fundit deri te dita e fundit e kësaj jave, dhe javës tjetër fillojmë me politikanët, të mërkurën e ka radhën Edi Rama të vijë para komisionit'- tha Basha.
M.Q./ReportTv.al
Komente
Interesant koincidenca, 430 milion rruga e kombit, keto neto te vjedhura, dhe 430 milion inceneratoret, ku perfshihet vjedhja e supozuar dhe gjithcka qe eshte ndertuar e fuksionon.
PërgjigjuPaçavure burre. Pse,vetem per keto miliona qan vendi,apo dhe per me teper,me te tuat e te salit,me gjakun e shkelzenit e sa e sa kufoma qe keni mbjell gjithandej,ari i metushes u harrua apo ia ben hallall? Kaliber i madh politikani je,genjeshtra ne diell
Përgjigju