Kryedemokrati Lulzim Basha, deklaroi në një konferencë për shtyp se PD është një e vetme dhe bashkohet në një qëllim që është largimi i Edi Ramës. Basha theksoi se sot PD u shkëput nga e shkuara dhe po shkon drejt së ardhmes. Sakaq, kryedemokrati theksoi se kushdo që tenton të përçajë demokratët do ta gjejë PD-në të përgatitur për çdo situatë.
"S'po kërkojmë konflikt, por kushdo që instrumentalizohet nga bota e errët dhe lidhet me këto fije dhe individin që përçan demokratët, do ta gjejë PD-në të përgatitur për çdo situatë."-tha Basha.
Sa i përket çështjes së inceneratorëve Basha tha se më në fund kjo aferë nisi të hetohej, ndërsa shtoi se do të mbledhin të tjera të dhëna. Ai akuzoi Ramën si të përfshirë në këtë aferë korruptive.
"Do shkojmë deri në fund derisa personi më i lartë në detyrë, që sipas dokumenteve që disponojmë është kryeministri, do i shkojmë deri në fund. Vodhën paratë e shqiptarëve."-tha Basha.
Lajmi kryesor:
Basha pas mbledhjes me Kryesinë: Berisha mund të bëjë referendum e protesta edhe ndaj Blinken dhe Biden! Të shohim nëse ai do jetë ende anëtar i PD
//ReportTv.al