Nën sloganin 'Po të dëgjoj' , kreu u partisë demokratike i është drejtuar sipërmarrësve të një call-center në Shkodër duke vijuar me fushatën e tij të premtimeve kur të vijë në pushtet. Kryedemokrati tha se do të lehtësojë barrierat apo pengesat për biznesin dhe do të bëjë lidhjen e arsimit me tregun. Rritja e pagave ishte një nga premtimet e tjera që Basha bëri gjatë takimit me sipërmarrësit.
'Takim në një sipërmarrje call-center në Shkodër. Plani ekonomik i PD do ta lidhë arsimin me tregun e punës. Sipërmarrja përfshirë bizneset smart dhe inovative do të gëzojnë mbështetje dhe jo pengesa, lehtësim dhe jo ngarkesë. Punësimi dhe rritja e pagave janë prioriteti ynë më i madh', shkruan Basha.
Komento
