Gazment Bardhi tha për mediat se Sali Berisha ftoi qytetarët që të dhunojnë godinën e PD për interesat e veta që ta kthejë partinë në bunker. Ai tha se Berisha kërkon gjakderdhje dhe fton njerëzit të dhunojnë godinën e PD.
“Paralajmëroi sot dhunën që do të ushtrohet në selinë qëndrore të demokratëve. Berisha kërkon ta kthejë selinë e PD në një bunker për një person të shpallur non grata. Berisha do që ta kthejë PD në një bunker ku të strehohet vetë dhe familja e tij, trafikantët e drogës apo vrasësit që e shoqërojnë. Gjakderdhja në selinë e PD është skenari i Sali Berishës”, tha Bardhi.
Lajmi kryesor:
Ish lideri i PD pas dyerve të kyçura të selisë: Nesër i hapim, punonjësit të mos tremben! Bashën e nxjerrim me ‘pekule’! Bardhi: Petrit Mustafa dhe Fatjon Dautaj, kriminelët që shoqërojnë Berishën
//ReportTv.al