Derbi mes Real Madrid dhe Atletico Madrid përfundoi mbrëmjen e djeshme me rezultatin 1-1. Galaktikët ishin në epërsi që nga pjesa e parë me golin e Brahim Diaz por në minutën e fundit, ndeshja u barazua kur shënoi mesfushori spanjoll Marcos Llorente.
Trajneri italian Carlo Ancelotti pas ndeshjes tha se skuadra e tij e meritonte fitoren ndaj Atleticos por shtoi se edhe një pikë nuk është keq.
“Ne nuk jemi të kënaqur, e merituam të fitonim. Por duhet të qëndrojmë të qetë. Një pikë është më mirë se asgjë. Ne jemi ende lider”, deklaroi Ancelotti pas ndeshjes.
Ancelotti gjithashtu mbrojti qendërmbrojtësit e tij për golin e fundit të barazimit të pësuar nga Real Madrid.
B.V/ReportTv.al“Atletico fitoi duelin ajror. Kjo është ajo. Ata kanë më shumë lartësi. Carvajal ishte shumë i mirë. Ne e merituam ta fitonim këtë lojë, pa dyshim”, deklaroi trajneri italian i Los Blancos.
