Kreu i grupit parlamentar socialit, Taulant Balla ka përjashtuar mundësinë që presidenti i ri të jetë një emër nga radhët e opozitës aktuale.
"Shqipërisë nuk i duhet një president nga opozita aktuale", tha Balla.
Nga ana tjetër, Elisa Spiropali, bëri me dije PS ende nuk e ka krijuar një identikit për presidentin e rij, ku ajo që është e sigurt është se nuk do të jetë si Ilir Meta.
"Çfarë natyre duhet të kate kandidati, ne do të dëgjojmë me vëmendje dhe pasi të kemi përcaktuar edhe identikitin e presidentit, brenda kësaj liste do i shohim se cilat këto kandidatura përmbush këto cilësi. Nuk ka një identitik, se nuk e kemi përcaktuar portretin e presidentit dhe as kushte, jemi të hapur në këtë proces, çdo gjë në kohën e vetë. Sepse kandidaturat mund të prodhojnë identikitin apo profilin e presidentit, ka njerëz dinjitoz në akademi, politik, apo çdo fushe që mund t'i plotësojnë pritshmëritë e publikut dhe parlamentit, e rëndësishme është të mos kthehemi në të kaluarën për përdorimin e presidencën për t'u bërë palë e palëve, të përfaqësoj", iu përgjigj Spiropali pyetjes së gazetarit të Report Tv, Ermal Qori.
Lajmi kryesor:
Presidenti i ri, PS nis konsultimet, përjashton Berishën: Flasim me Alibeajn! Ftohen qytetarët të japin propozime! Vendit s'i duhet një emër nga radhët e opozitës aktuale
B.K.//ReportTv.al