MAQEDONI E VERIUT- Kryetari i Grupit Parlamentar të Partisë Socialiste Taulant Balla, së bashku me delegacionin e deputetëve të Kuvendit të Shqipërisë zhvilluan ditën e sotme një takim me Presidentin e Maqedonisë së Veriut, Stevo Pendarovski në Shkup.
Balla u shpreh gjatë takimit se dyja vendet duhet të rrisin edhe më shumë bashkëpunimin, në mënyrë që të ndalohen përpjekjet e Rusisë për të për të ndërhyrë në demokracinë e dy shteteve.
“Duhet të bashkëveprojmë në përballjen me përpjekjet e Rusisë për të minuar demokracinë, përmes financimeve drejt partive politike, mediave, duke paguar histori, ads në facebook dhe duke shpërndarë lajme të rreme ose keqinformim në rrjetet sociale. Nëse në Ukrahinë, Rusia sulmoi demokracinë me rraketa, tanke dhe ushtri, në shumë vende në Europë që nga viti 2014, po ashtu edhe në SHBA, Rusia është përpjekur të minojë demokracitë me financime dhe ndërhyrje të paligjshme”, ka thënë Balla gjatë takimit teksa ka shpërndarë në Facebook dhe disa pamje nga takimi të zhvilluar.
S.C//ReportTv.al
