Në takimin e 14-të të Komisionit Parlamentar të Stabilizim Asociimit, kreu i Grupit Parlamentar të PS, Taulant Balla ka renditur sukseset e reformës në drejtësi, ku nuk la pa përmendur edhe dy ish ministrat që janë pas hekurave, Saimir Tahirin dhe Lefter Kokën. Balla foli edhe për vënien në funksion të Gjykatës Kushtetuese dhe Gjykatës së Lartë.
“Sot është fakt që dy ish-ministra janë para drejtësisë, njëri me vendim, ndërsa tjetri me akuzë të ngritur nga prokuroria. Kjo tregon që kjo maxhorancë mbështetjen ndaj reformës në drejtësi e ka pasur jo vetëm bindje, por edhe fakte konkrete për rezultatet. Shqipëria vazhdon të zbatojë reformë të plotë dhe gjithëpërfshirëse në drejtësi. Gjykata kushtetues e përbëhet nga 7 anëtar, nga 8 gjithsej, ka dhënë një sërë vendimesh që nuk vihen në diskutim i pëlqen apo jo njërës palë. Sa kohë që Shqipëria i ka përmbushur detyrat e veta koha është që edhe Shqipëria të mos mbetet dëmi kolateral mes bullgarisë dhe Maqedonisë së Veriut”, tha Balla.
Por, Alfred Rushaj nga PD i ka kërkuar Taulant Ballës që të mos i cilësoj suksese të jashtëzakonshme vënin në funksion të dy gjykatave, por duhet tu kërkojë ndjesë qytetarëve që politika me veprimet e saj ka lënë këto gjykata jashtë funksionimit.
“Konsiderojnë si suksese bërjen funksionale gjykatën kushtetuese megjithëse edhe jo në numër jo të plotë. Bërjen jo funksionale jo larg numrit të plotë të GJL. Do iu lutesha që gjitha kolegëve që në respekt të qytetarëve mos ta përmendin si sukses të jashtëzakonshëm, por ti kërkojë ndjesë që me veprimet tona për shumë vite GJK dhe GJL nuk kanë qenë funksionale. Nuk dua të them që reforma në drejtësi nuk ka pas edhe anët e veta pozitive, vettingu ka pas anë pozitive”, u shpreh Rushaj.
Lajmi kryesor:
Parlamenti Europian dhe Kuvendi i Shqipërisë njëzëri: Të përcaktohet sa më parë data për konferencën e parë ndërqeveritare Shqipëri-BE
SI.E./ReportTv.al