Një tragjedi ka ndodhur mesditën e sotme në plazhin e Vilë-Bashtovës. Gazetari i Report Tv Artur Korriku, nga vendi i ngjarjes ku ndodhi tragjedia tha se babai, Elvis Halilaj u fut në det që të shpëtonte dy djemtë e tij të mitur rreth 13 dhe 15 vjeç dhe ka mbetur edhe vetë i mbytur. Mësohet se i pari që është mbytur ka qenë djali i vogël.
Deti ka nxjerrë në breg të parin babanë e 2 djemve të mitur dhe më pas janë nxjerrë edhe dy djemtë pak më vonë. Viktimat janë dërguar në morgun e spitalit të Kavajës.
Gazetari Artur Korriku thotë se shqetësim në vijën bregdetare në atë zonë mbetet fakti se ka mungesë të rojeve bregdetare e nëse nuk merren masa rrezikon që tragjedi të tilla të përsëriten. Po ashtu e nevojshme është edhe vendosja e kufizuesve në det.
Lajmi kryesor:
Tragjedi në plazhin e Vilë-Bashtovës në Kavajë, mbytet babai dhe djemtë 13 e 15 vjeç! I ati me djalin e madh shkuan të shpëtonin të voglin! Mungojnë rojet bregdetare
M.Q./ReportTv.al