Këngëtarja shqiptare me famë botërore Rita Ora, po përballet kohët e fundit me një situatë të pakëndëshme.Fansat e saj janë irrituar, pasi zbuluan se autografet në albumet e këngëtares janë false.
Ndjekësit dhe dashamirësit e muzikës së Rita Orës po bëjnë thirrje për kthimin e parave nga ylli i popit, pasi ata shprehën shqetësime mbi origjinalitetin e autografeve të albumit të saj të fundit, të cilat shiten në internet deri në 25 £.
Fansat kanë vënë re dallime midis shkrimit të skalitur në kopertinat e shitura në internet dhe atyre të firmosura nga vetë Rita Ora.
Njëri prej tyre shkroi në rrjetet sociale: “Shkrimi i dorës dhe autografi duken shumë ndryshe nga vinili im tjetër që kisha nënshkruar në një marrëveshje rekord? Shpjegohu!’
Një tjetër përdorues i Tëitter-it u përgjigj me një email nga dyqani diskografik ku bleu albumin, Banquet Records. Në email, kompania thotë: “Ne donim t’ju sigurojmë që folëm me ekipin e Ritës që ishte me të atë ditë dhe ata konfirmuan se ajo nënshkroi albumet dhe gjithashtu postoi një video të saj duke i bërë ato në atë kohë.
Fansat në rrjetet sociale pohojnë se ende nuk e kanë parë videon. Në përpjekje për të promovuar albumin e saj të fundit, “You & I”, i publikuar më 14 korrik, Rita Ora udhëtoi në Mbretërinë e Bashkuar duke nënshkruar kopje për fansat, duke vizituar pesë qytete brenda një dite.
Albumi, të cilin këngëtarja e përshkruan si një “letër personale” për fansat e saj, shitet gjithashtu si disqe vinili “të nënshkruara” dhe CD me botim të kufizuar nga faqet zyrtare të internetit. Ora nuk ka komentuar publikisht për dyshimet e fansave, të cilët po i bëjnë thirrje këngëtares që të kthejë pagesat e albumeve nëse nënshkrimet janë false. Shumë thonë se heshtja e Ritës për këtë çështje “flet shumë”.
M.T/ReportTv.al