Nëntë herë kampion i 'Australian Open', Novak Djokovic, lojtari numër 1 i tenisit për meshkuj në botë mund të mos jetë në gjendje të mbrojë titullin e tij të vitit 2021 pasi viza e tij për të hyrë në Australi u anulua.
Pati një 'lum' reagimesh mbi përjashtimin e tij mjekësor të diskutueshëm nga rregullat e vaksinimit kundër COVID që kishte përcaktuar Australia.
Djokovic nuk ka bërë deklarata publike mbi statusin e tij të vaksinimit, por në një konferencë për shtyp, kryeministri australian Scott Morrison tha se ai 'nuk kishte një raport të vlefshëm mjekësor që e përjashton atë nga bërja e vaksinës'.
"Hyrja me vizë kërkon vaksinim me të dyja dozat ose një raport mjekësor që të përjashton nga vaksinimi. Por nëse nuk je i vaksinuar me të dyja dozat dhe nëse nuk je shtetas australian nuk mund të vish në Australi. Nëse viza anulohet atëherë personi duhet të largohet nga Australia", tha ai.
Avokatët e Djokovic planifikojnë të kundërshtojnë dëbimin e tij nga Australia, ndërsa seanca gjyqësore është përcaktuar të mbahet pasditen e sotme.
//ReportTv.al