GREQI – Një 41-vjeçar nga Gjeorgjia është vrarë ditën e sotme rreth orës 14:00, në një rrugë kryesore në Stavroupoli, Selanik.
Gjeorgjiani, i cili sipas mediave greke është i njohur për autoritetet, u qëllua me armë zjarri nga një person që brenda një makine në lëvizje.
Sipas mediave greke, në makinën nga ku u qëllua për vdekje 41-vjeçari - tip “Renault”, pa targa – dyshohet të kenë qenë dy burra dhe një grua.
Gjeorgjiani u qëllua me 3 plumba, në rrugën “Vassili Tsitsani”, sapo kishte zbritur nga motori që drejtonte dhe kishte hequr kokoren. Plumbat e kanë kapur në shpinë dhe në shpatull.
Vrasja ka ndodhur pranë një këndi lojërash për fëmijë.
Komento
