Atentat Ardian Gjeloshit/ Nga konfliktet për biznesin, te hakmarrja, 2 pistat ku po heton policia për krimin në Kurbin

10 Shkurt, 12:25| Përditesimi: 10 Shkurt, 12:34

  • Share

1707554607_finalprojekt.01083024.Still135.jpg

Dy janë pistat e hetimit të cilat po heton policia në lidhje me atentatin ndaj pronarit të kompanisë së inerteve në Kurbin, Ardjan Gjeloshaj, ku mbeti i vrarë ekonomisti i firmës Selman Mihana.

Burime për Report Tv bëjnë me dije se pistë kryesore e hetimeve është ajo e hasmërisë, pasi në vitin 2002 Ardian Gjeloshi, bashkë me vëllain e tij u përfshinë në një konflikt ku mbeti i plagosur një efektiv policie në zonën e Fushë-Kuqes. 

Asokohe autorët qëlluan mbi një kamionçinë dhe lanë të vrarë Marie Prengen, infermiere, nënë e 4 fëmijëve, ndërsa u plagos oficeri i FNSh Kastriot Prenga, Gjergj e Vitore Prenga.

Ndërkohë që po hetohen edhe konfliktet në biznesin e inerteve, ku operonte prej më shumë se 20 vitesh.

Dinamika e ngjarjes

Dyshohet se në krim kanë marrë pjesë dy persona. Atentatori me kallashnikov ka zbritur nga makina dhe ka qëlluar brenda ambienteve të firmës, ku ndodhej Gjeloshi dhe ekonomisti, ndërsa personi tjetër ka qëndruar në makinë.


Lajmi kryesor:

Atentat brenda zyrës pronarit të një firme inertesh në Kurbin, mbetet i plagosur! Vritet ekonomisti që ndërhyri për ta mbrojtur (EMRAT+VIDEO)


M.Q./ReportTv.al
  • Sondazhi i ditës:

    A jeni dakord që personat e së njëjtës gjini të martohen ligjërisht?