LEZHW- "Art prej koshi", titullohet ekspozita e hapur në Lezhë nën drejtimin e artistit Bib Frrokaj, me krijime të të rinjve të Qendrës "Hana" me mbetje të riciklueshme.
"Mesazhi është i qartë, përveç plastikës, riciklimit të saj mund ta përdorim për të krijuar vepra artistike", tha Frrokaj.
Ministrja e Mjedisit, Mirela Kumbaro dhe kryebashkiaku Pjerin Ndreu të pranishëm në aktivitet thanë se problemi kryesor është ndërgjegjësimi i qytetarëve për të mos krijuar ndotje.
"Popullata, biznesi nuk janë akoma në nivelin e duhur të ndërgjegjësimit se një plastikë nuk mund të hidhet në rrugë apo kanal", u shpreh Ndreu.
"Dhe ne themi ç'punë kam unë me plehrat, larg plehrat prej meje dhe çfarë bëjmë, i marrim nga shtëpia dhe i hedhim diku dhe në këtë moment askush nuk mendon se ka kryer krim mjedisor", tha Kumbaro.
Ekspozita "Art prej koshi", do të qëndrojë e hapur deri me datë 23 prill dhe synon të përcjellë mesazhin e mbrojtjes së mjedisit.
B.K.//ReportTv.al