TIRANË- Saimir Halilaj, me detyrë inspektor pranë Trupës Operacionale në Repartin e Ndërhyrjes së Shpejtë Tiranë, është arrestuar nga policia për plagosje të rëndë me dashje.
Efektivi 50-vjeçar është prangosur nga Shërbimit për Çështjet e Brendshme dhe Ankesat, pas kallëzimit të bërë nga shtetasit A.LL. dhe R.LL. Siç njofton SHÇBA, në orët e vona të mbrëmjes së datës 26.08.2021, punonjësi i policisë, i cili ka qenë jashtë detyre, është përfshirë në një konflikt fizik të dhunshëm me këto dy shtetas.
50-vjeçari për shkak të intimidimit me anë të uniformës së policisë, i ka shkaktuar dëmtime të rënda shtetasit A.LL., 53 vjeç, si dhe frakturë në krah, shtetasit R.LL., 15 vjeç.
Materialet i kaluan Prokurorisë pranë Gjykatës së Shkallës së Parë Tiranë për hetime të mëtejshme.
M.Q./ReportTv.al