KORÇË- Sa herë që ka reshje të dendura shiu, shpesh rrugët bllokohen për shkak të rrëshqitjes së gurëve. Një arsye është mungesa e rrjetave metalike që shërbejnë për të parandaluar këtë, por ka edhe raste të tjera që mund të tingëllojnë aq absurde sa gati-gati duken të pavërteta.
Këto rrjeta metalike edhe vidhen. Rasti konkret ka ndodhur në Gramsh. Një 49-vjeçar ka vjedhur në rrugën Maliq-Gramsh, në afërsi të fshatit Moglicë, Maliq, rreth 50 m² rrjetë metalike. Kjo sasi e vjedhur u gjet në mjetin tip "Renault" dhe iu sekuestrua në cilësinë e provës materiale.
B.K./ReportTv.al"Specialistët për Hetimin e Krimeve në Komisariatin e Policisë Maliq bënë arrestimin në flagrancë për veprën penale "Vjedhja", të shtetasit V. K., 49 vjeç, banues në fshatin Bratilë, Gramsh.
Ky shtetas dyshohet se ka vjedhur në rrugën Maliq-Gramsh, në afërsi të fshatit Moglicë, Maliq, rreth 50 m² rrjetë metalike që shërbente për mbrojtjen nga rënia e gurëve, e cila iu gjet në mjetin tip "Renault" dhe iu sekuestrua në cilësinë e provës materiale", thuhet në njoftim.
