Dy persona janë arrestuar në Shkodër pasi u kapën me lëndë narkotike.
Bëhet fjalë për një 38-vjeçar i identifikuar si S.B., nga Ukraina që u kap në Muriqan pasi tentoi të dilte nga vendi ynë duke fshehur kanabis në automjet.
Ndërsa në Vaun e Dejës u kap 40-vjeçari i identifikuar si P.K., i cili u zbulua se kishte kanabis të ndarë në doza gati për shitje. Ai u zbulua gjatë kontrollit fizik të ushtruar nga shërbimet e Forcës së Posaçme “Shqiponja”, në fshatin Mjedë.
Sasitë e lëndës narkotike u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme, për veprën penale “Prodhimi dhe shitja e narkotikëve”.
Komento
