TIRANË- Kreu i ILD-së, Artur Metani ka një paralajmërim të fortë për të gjithë gjyqtarët dhe prokurorët e korruptuar, që me Reformën në Drejtësi do të ketë të njëjtin fund si gjyqtarja Enkelejda Hoxha.
Duke përshëndetur operacionin e SPAK, ai thekson se zbatimi i kësaj reforme është luftë, e për pasojë tani secili të bëjë llogaritë e veta.
“Duke përshëndetur aksionin e djeshëm të SPAK, dua te nënvizoj se zbatimi i reformës në drejtësi, adresimi i paligjshmërive në sistem është luftë. Tani është koha qe secili të bëjë llogaritë e veta!”, shkruan Metani.
Superoperacioni ndodhi ditën e djeshme, ku në pranga përveç gjyqtares Enkelejda Hoxha dhe avokatit Aldo Tabaku, përfunduan dhe 8 persona të tjerë, mes tyre zyrtarë të Gjykatës. Hoxha u arrestua dje rreth orës 09:00, teksa po zhvillonte seancën gjyqësore, e cila pritej të përfundonte me lirimin e të dënuarit, Saimir Petani. Ato kishin krijuar një skemë të mirëfilltë kriminale, me qëllim lirimin e të dënuarve me burg, skemë nga e cila kanë përfituar Endrit Dokle, Genc Tafilit ai Hekuran Billa, i vrarë pak muaj më parë në Tiranë.
Postimi i kreut të ILD-së, Artur Metani
B.K./ReportTv.al