Kryetari i Grupit Parlamentar të Partisë Socialiste, Taulant Balla ka hedhur poshtë pretendimet e disa portaleve, të cilët ditën e sotme kanë shkruar se polici Arjan Tase që vrau fëmijën 7 vjeçare, me skaf në Himarë është nipi i tij.
Përmes një postimi në Twitter Taulant Balla ka hedhur poshtë akuzat dhe deklaron se nuk ka asnjë lidhje me personin në fjalë. Sipas Ballës autori duhet të marrë dënim shembullor.
‘Si ka mundësi që këta lloj vampirësh mediatike dhe nga mbrapa politikë arrijnë të shpifin dhe sajojnë deri në këtë pikë. Asnjë lidhje me këtë individ që duhet të marrë dënim shembullor’, shkruan Balla.
Postimi i Ballës në Twitter
Arjan Tase, me gradë komisar dhe me detyrë shef i policimit në komunitet në Elbasan, përplasi me gomone në plazhin e Potamit në Himarë, për vdekje 7-vjeçaren Jonada Avdiu. Ish-efektivi futi gomonen në hapësirën e rrethuar për pushuesit me bova plastike. Pasi zbarkoi në breg familjarët e tjerë në bord, kreu manovrime të pakujdesshme për të kthyer mjetin lundrues sërish në det të hapur. Nga këto manovrime të pakujdesshme, 15 metra larg bregut, ka goditur me pjesën e prapme të mjetit lundrues, Jonada Avdiun duke i shkaktuar plagë të rënda që kanë sjellë humbjen e menjëhershme të jetës. Tase akuzohet për veprën penale të “Vrasjes së kryer nga pakujdesia”, e cila në nenin 85 të kodit penal parashikon gjobë ose maksimumin e dënimit deri në 5 vite burg. Pas ngjarjes së rëndë Tase u përjashtua nga radhët e policisë.
M.Q./ReportTv.alKomente
Vazhdoni tani pa pushim me bombardime per te arritur qellimin politik pa ju interesuar per familjen e vogelushes dhe per ate djalin qe beri aksidentin , paskeni qene bastard te pashembull lerini te qete njerezit ne dhimbjen qe i ka perfshire o plera bagetish
Përgjigju