Një nga gjyqtarët më të mirë të futbollit në Itali, 48-vjeçari Daniele Orsato ka marrë një propozim joshës për të vijuar karrierën e tij të arbitrit në Arabinë Saudite.
Pas trendit të lëvizjes së shumë yjeve të futbollit si Cristiano Ronaldo, Neymar, Karim Benzema, Sadio Mane dhe Marcelo Brozovic në klubet saudite, Orsato tani e gjen veten në shënjestër të interesave nga Lindja e Mesme. Sipas raportimeve të mediave italiane, Orsato i është ofruar një marrëveshje e rëndësishme për të gjykuar në Ligën Pro të Arabisë Saudite, duke dyfishuar potencialisht pagën e tij.
Ky zhvillim ka shkaktuar shqetësim në qarqet e futbollit italian, ku Orsato është shumë i respektuar dhe konsiderohej një kandidat kryesor për postin e kreut në organizimin e arbitrave. Orsato, i lindur në Vicenza dhe një arbitër i FIFA-s që nga viti 2010, drejtoi gjysmëfinalen e Kupës së Botës në Katar midis Kroacisë dhe Argjentinës, duke akorduar në mënyrë të "dyshimtë" një penallti për Argjentinën në minutën e 34-t.
Kupa e Botës 2018 në Rusi e pa atë të shërbente si arbitër VAR-i dhe ai drejtoi finalen e Ligës së Kampionëve midis Bayern Munich dhe PSG-së tre vjet më parë.
S.DH/ReportTv.al