TIRANË- Apeli i Gjykatës së Posaçme ka vendosur konfiskimin përfundimtar të pasurive të Edison Çobo një emër i njohur për drejtësinë shqiptare. Apeli i GJKKO i ka konfiskuar përfundimisht Çobos, i cili njihet ndryshe edhe si i forti i Beratit, 8 pasuri, 3 apartamente dhe 5 sipërfaqe toke.
Pasuritë e konfiskuar:
Apartament me sipërfaqe 78.50 m², në bashkëpronësi të M.Ç. dhe F.Ç..
Apartament me sipërfaqe 67.30 m², në pronësi të M.Ç.
Apartament me sipërfaqe 105.56 m², në pronësi të M.Ç.
Truall me sipërfaqe 300,8 m² nga kjo sipërfaqe ndërtimi 127,4 m², në pronësi të shtetasit R.Ç.
Ndërtesë me sipërfaqe 16.00 m², në pronësi të shtetasit R.Ç.
Ndërtesë, me sipërfaqe 44.50 m², në pronësi të shtetasit R.Ç.
Truall 2158 m², në pronësi të shtetasit R.Ç.
Truall me sipërfaqe 190 m², në pronësi të R.Ç.
Edison Çobo është një emër i njohur për drejtësinë. Ai ka qenë subjekt i OLF-së dhe ka qenë i dënuar në Itali për trafik droge. Në 2013 ka qenë akuzuar për grabitjen e një biznesmeni, ndërsa në 2018 është arrestuar me një urdhër gjykate të 2017 për trafik droge në bashkëpunim. Edison Çobo është vëllai i ish-Presidentit të Tomorit të Beratit Ardian Çobo, që u vra në vitin 2000 në Tiranë në një lokal pas stadiumit 'Selman Stërmasi'.
SI.E.//ReportTv.al