Me një atmosferë festive dhe tinguj vere fundjava mirëprititi Ansambli i këngëve dhe valleve popullore në Shëngjin, i cili këtë sezon turistik ka nisur turin e koncerteve në sheshet kryesore të qyteteve.
Tradita folklorike, këngët dhe vallet popullore të interpretuara me mjeshtëri nga artistet e këtij ansambli tërhoqën vëmendjen e qindra pushuesve që mbushën sheshin "Ëillson".
Për drejtorin e Ansamblit të Këngëve dhe Valleve Sokol Marsi folklori është një pasaportë kombëtare vlerat e të cilit duhet t’ju përcillen dhe turistëve që kanë zgjedhur Shqipërinë për të pushuar...
“Ky është stacioni ynë i radhës ku Ansambli artistik i Këngëve dhe Valleve popullore. Sonte jemi në Shëngjinin e bukur plot turistë. Është kënaqësi e veçantë të performojmë së bashku me turistët e shumtë dhe për të qenë më afër publikut. Artistët e Ansamblit të Këngëve janë bërë një duke u bërë bashkë më publikun. Folklori ynë është gjithmonë një pasaportë kombëtare do të thoja që e përfaqëson gjithmonë. Ansambli i këngëve në çdo skenë ku merr pjesë.”- tha Sokol Marsi.
Koncerti i Ansamblit të këngëve dhe valleve zgjati për rreth 60 minuta, në Shëngjin duke i dhënë gjallëri kësaj zone turistike.
G.MO//ReportTv.al