Një grup hakerash i quajtur Anonymous Sudan ka sulmuar rrjetin social X, i njohur më parë si Tëitter, duke e dërguar jashtë linje në disa vende të botës sot në orët e para të mëngjesit të sotëm.
Sipas mesazhit të tyre ky akt ishte një përpjekje për t’i bërë presion Elon Musk për të nisur shërbimin e tij Starlink në vendin e tyre.
“Bëni mesazhin tonë të arrijë tek Elon Musk: ‘Hap Starlink në Sudan’”, kanë postuar hakerët në Telegram.
Banda e njohur është akuzuar nga shumë njerëz në botën e sigurisë kibernetike se është një njësi ruse kibernetike e maskuar, e cila ka shkaktuar kaos kibernetik për Kremlinin nën mbulesën e një grupi haktivist të huaj.
Teoria buron nga mbështetja e saj në internet për presidentin rus Vladimir Putin dhe një përafrim i dukshëm i motiveve me bandat e tjera të hakerëve në vend.
Por grupi kriminal e ka mohuar vazhdimisht se është rus dhe për herë të parë ka ndarë prova për mediat amerikane se ndodhet në Sudan.
Që kur u shfaq në janar, Anonymous Sudan ka ndërprerë me sukses dhjetëra organizata dhe shërbime të internetit qeveritare në Francë, Nigeri, Izrael dhe SHBA.Banda pretendon se po kryen sulmet kriminale për të "mbrojtur të vërtetën, Islamin dhe Sudanin", por në të paktën dy raste ajo është përpjekur gjithashtu të zhvatë viktima për Bitcoin.
Ajo ka synuar gjithashtu faqet e internetit si OnlyFans, Tumblr dhe Reddit, duke thënë se ato promovojnë atë që ajo i quan "smuts të neveritshme dhe gjëra të tjera LGBTQ+".
M.T/ReportTv.al