LONDER - Një azilkërkues afgan është dënuar pasi përdhunoi dy herë një 12-vjeçare shqiptare, në një hotel azilantësh në Angli.
Sakhidad Ahadi, 25 vjeç, i cili vazhdonte të mashtronte për moshën e tij u konsiderua 'i rrezikshëm' dhe u dënua me dymbëdhjetë vjet burgim.
Ahadi kishte kërkuar azil në Britani me pretendimin se ishte qëlluar nga talibanët kur kishte refuzuar të rekrutohej në ushtri dhe se ato i kishin vrarë edhe babain.
Vajza shqiptare dhe vëllai i saj së bashku me të ëmën ishin akomoduar në hotelin ku strehoheshin azilërkuesit. Afgani pranoi fajin, por tha se kishte menduar se vajza ishte 19 vjeçe. Ngjarjet u shënuan midis 22 dhjetorit 2022 dhe 1 janarit 2023.
Për të blerë heshtjen i dha vajzës pesë paund dhe një kartë SIM me qëllim që të kishte sërish kontakte me të. Vajza i mbajti të fshehtë përdhunimet nga e ëma derisa i tha një roje sigurie hotelit se kishte frikë nga Ahadi dhe u njoftua policia.
Ahadi u arrestua më 2 janar dhe që atëherë ndodhet në paraburgim. Ai pretendoi se vetë vajza kishte hyrë në dhomën e tij dhe ai kishte menduar se ishte 19 vjeçe.Viktima 12 vjeçe i deklaroi policisë se kishte pësuar traumë të rëndë emocionale dhe tani qan gjithë kohën. “Nuk më zë gjumi natën dhe ndjej sikur dikush po më ndjek” i tha ajo, njofton Daily Mail
S.G/ReportTv.al