Andrea Pirlo nuk është më trajneri i Fatih Karagumruk në Superligën e Turqisë. Tre ditë nga fundi i kampionatit, klubi turk ka shkarkuar kampionin e botës me një vendim surprizë. Ish-trajneri i Juves tanimë është i pa punë dhe në pritje të një tjetër oferte.
Fatih Karagumruk mban vendin e nëntë në kampionat, me Pirlon që bëri një punë të mirë duke e mbajtur ekipin në mesin e tabelës. Dy humbjet e fundit radhazi duket se vendosën fatin e trajnerit italian.
"Ne vendosëm që të mos vazhdojmë me Andrea Pirlon sezonin e ardhshëm dhe i dhamë leje që të largohej nga klubi menjëherë për të na lejuar të planifikojmë të ardhmen e stolit. Jemi të kënaqur me kohën e kaluar së bashku, e falënderojmë dhe i urojmë më të mirat për të ardhmen”, thuhet në komunikatë.
S.DH/ReportTv.alKomente
BATALL I MADH FORT,...
Përgjigju