Një prej investitorëve më të mëdhenj amerikanë, kompania “Affinity Partners”, e sipërmarrësit Jared Kushner, dhëndri i ish presidentit Donald Trump synon ndërtimin e një resorti në Ishullin e Sazanit.
Eksperti i ekonomisë Fatos Çoçoli i ftuar në “Studio Live” në Report tv me Arbër Hitajn thotë se vetëm fakti që është përfolur për investimin i bën një reklamë të paparë Sazanit dhe Shqipërisë.
“Vjen një markë elitare dhe Shqipëria futet në turizmin elitar. E rëndësishme është… lidhjet politike të Kushner. Ajo është një kompani amerikane, 80 milionë amerikanë e kuptuan se Shqipëria është turistike vetëm sepse deklaroi dhëndri i Trump se do investojë në Shqipëri. Është reklamë pa para”, tha Çoçoli.
Ndërsa e konsideroi Sazanin një aset të fjetur Çoçoli tha se projekti i dhëndrit të Trump duket mjaft serioz dhe mund ta shndërrojë në një Singapor të Evropës.
“Projektet janë është diçka serioze. Vetë zotëria përveçse është dhëndri i Trump vjen nga një familje e investuesve në prona të patundshme. Ai e ka pjesë familjare dijet e mira për investime në prona të patundshme. Po ta kërkosh në gogle është një kompani që ka emër. Investimi është konkret. Neve na ka bërë reklamë të paparë. Sazanin e kemi pasur në një aset të fjetur. Ka fjetur gjumë. Është ishull i virgjër në pozicion shumë të mirë dhe nuk ka pse të zhvillohet. Zotëria që ka sjellë projektin nuk do marrë të gjithë ishullin por vetëm një pjesë të tij. Në pjesë të tjera ishulli mund të shndërrohet në një Singapor të Evropës”, shtoi eksperti i ekonomisë.
Një analizë të projektit bëri edhe eksperti Klodian Muço.
B.K/ReportTv.al“Qytetarët nuk përfitojnë asgjë. Qytetarët nuk përfitojnë asgjë se do ndërtohen ca vila dhe që të huajt do blenë ca vila. Vijnë investitorët e huaj të marrin ty pronën e shfrytëzojnë ata. Maksimumi shqiptarët do bëjnë pastruesin kamarierin aty. Nga pikëpamja e marketingut është pozitive”.
Komente
Turizmi elitar pa vizion
Përgjigjuturizmi elitar nuk konsiston ne nderzime per te shitur vila dhe apartamente sic kane bere me gjirin e lalezit duke e copetuar ne parcela dhe pastaj grinden kush te nguli cadra me shume se tjetri. Mamarieret e punesuar ne resorte te tilla u shkon rroga mbi 900 dollare sepse resorte te tilla elitare ndertojne per te shitur sherbime turistike ne prona koncesionare. Prandaj jane quajtur edhe investime strategjike si ne bote dhe fare zona te mbrojtura me perjashtim te atyre zonave kadastrale me statusin e unesco qe menaxhohen vetem ne menyre te integruar nga fondacione apo filantrope
Përgjigju