Ambasadori kinez në Serbi, Li Ming, duke komentuar ngjarjet e fundit në Kosovë, siç është vendimi i Bankës Qendrore për ndalimin e dinarit, ka thënë se Kina beson se “çdo veprim i njëanshëm mund të çojë në përhapjen e panikut dhe përshkallëzimin e tensioneve”, duke shtuar se të gjitha pakicave etnike duhet t’u garantohen të drejtat, duke përfshirë dhe serbët në Kosovë.
Në një intervistë për televizionin serb ‘RTS’ Li Ming tha se Pekini ka ndjekur ngjarjet e fundit në Kosovë dhe se ‘janë të shqetësuar’. Sakaq theksoi miqësinë mes Serbisë dhe Kinës.
“Ne besojmë se çdo veprim i njëanshëm mund të çojë në përhapjen e panikut dhe të çojë në një përshkallëzim të tensionit, i cili nuk është në interes të asnjërës palë pjesëmarrëse në mosmarrëveshje, as në interes të paqes në rajon dhe stabilitetit. Ne besojmë se të gjitha grupet etnike dhe të duhet të respektohen dhe garantohen, duke përfshirë edhe komunitetin serb dhe për këtë arsye shpresojmë që Marrëveshja e Brukselit dhe themelimi i Asociacionit do të mund të zbatohet”, tha ai.
Për sa i përket marrëdhënieve Kosovë-Serbi, Li Ming tha se duhet të zgjidhen përmes dialogut, shkruajnë mediat kosovare.
S.S/ReportTv.al