Qendra Kombëtare e Kinematografisë ka njoftuar se Shqipëria, në edicionin e 96-të të Çmimeve “Oscar” do të përfaqësohet nga Ardit Sadiku, me dokumentarin ‘Aleksandër’ që do të konkurrojë në kategorinë “International Feature Film”
Komisioni që ka përzgjedhur fituesin, i ngritur në 23 gusht të këtij viti kryesohet nga Arben Lami dhe ka si anëtarë: Gerta Qurkun, Eno Milkanin, Genc Përmetin dhe Florenc Papas.
Çmimet “OSCAR” do të akordohen nga The Academy of Motion Pictures Arts and Sciences në ceremoninë e përvitshme, më 10 mars 2024.
Subjekti i dokumentarit
Kjo është historia e mekanikut të flotës detare Aleksandër Gruda, i cili në vitin 1990 rrëmbeu një anije luftarake dhe u arratis nga Shqipëria. Liria për të dhe familjen e tij, erdhi vetëm në këmbim të një sakrifice të madhe.
A.D/ReportTv.al