Europol përditëson listën e 45 personave më të kërkuar në Europë, sërish mes tyre 2 shqiptarë! Në kërkim nga Qipro dhe Luksemburgu

Europol, në përditësimin më të fundit të listës së personave më të kërkuar në Evropë ka përfshirë sërish dy shqiptarë, Aleks Burrelin që kërkohet nga Qipro për vrasje të trefishtë dhe Edinjo Pultin që e kërkon Luksemburgu për tentativë vrasje. Në listë janë shtuar emra të tjerë të huaj, 17 prej të cilëve konsiderohen me rrezikshmëri të lartë shoqërore

5 Shtator 2023, 15:27| Përditesimi: 5 Shtator 2023, 15:41

  • Share

Aleks Burreli, 55 vjeç, nga fshati Suç i Matit dhe Edinjo Pulti, 37 vjeç, nga Shkodra, vijojnë të jenë të vetmit shqiptarë në listën “Most Wanted” të Europol. E përditësuar së fundmi, në këtë listë janë në total 45 persona nga e gjithë Evropa që kërkon për vepra të rënda penale, pjesa më e madhe e tyre për krime kundër personit, vrasje dhe masakra me shumë të vdekur.

Në listë, më përditësimin e fundit janë shtuar disa të huaj që kërkohen për vrasje, por nuk lëvizin nfga vendit 2 shqiptarët. Aleks Burreli, i cili njihet edhe me emrin Gani, është në kërkim ndërkombëtar nga Qipro për vrasjen e një biznesmeni qipriot, dhe jo vetëm, më 23 qershor 2016.

Në atë kohë 55-vjeçari Burreli hapi zjarr drejt një tavoline në një restorant ku po darkonte biznesmeni Fanos Kalopsidiotis, duke e lënë të vdekur në vend bashkë me 2 persona të tjerë në tavolinë, dhe 2 të tjerë të plagosur. Në të njëjtën ngjarje mbeti i vrarë Jani Vogli, në atë kohë 41 vjeç, bashkëpunëtor i Burrelit.

55-vjeçari ishte i pari që u përfshi në listën “Most Wanted” të Europol, dhe prej asaj kohe nuk është lokalizuar nga agjencitë partnere. Një vit më vonë në listë u shtua një tjetër bashkëkombës i tij, Edinjo Pulti. 37-vjeçari shkodran kërkohet të arrestohet nga Luksemburgu për tentativë vrasje. Më 2 gusht 2020 ai u përfshi në një përleshje në Pétange. Disa burra, duke përfshirë një të armatosur me thikë, u përleshën në qendër të qytetit.

Sipas Europol, Pulti goditi disa herë me thikë dy persona, njërin prej tyre në bark. Pulti është emër i njohur për drejtësinë shqiptare për një plagosje shumë vite më parë. Ai u arrestua në 2022-shin në vendin tonë, por për shkak të mungesës së një marrëveshje ekstradimi me Luksemburgun, u la i lirë, duke konsideruar se brenda vendit nuk ka asnjë çështje penale të hapur. Në listën prej 45 personash që kërkohen nga Europol, 2 shqiptarët nuk konsiderohen me rrezikshmëri të lartë, përkundër 17 të tjerëve që konsiderohen shumë të rrezikshëm, prej krimeve monstruoze të kryera ndër vite.

M.Q./ReportTv.al
Komento

Komente

  • Scutari: 05/09/2023 23:15

    Ja rrisin veshët kot njerëzve. Ky Pulti është një barbon varileshs që nuk e ka shokun, këta e bëjnë të rrezikshëm!

    Përgjigju
    • Polo chapo: 15/09/2023 20:37

      Nuk ju kuptoj ca kruheni kot!A e din se shum thjesht je i zbulum me at tel qe ke ba komentin ke nje imel me anë te imelit sbulohet teli edhe sigurisht ke perdor i inst apo fb me emer tan????

    • Il capo: 15/09/2023 20:31

      Po pse hini pyll pa s'pat a e din se ke nje imel e me anë te imelit zbulohet telefoni me siguri ne at telefon ke perdor i fcb a inst me emer tan ????

  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?