Ish-ministrja e Drejtësisë së Kosovës, Albulena Haxhiu përmes një postimi në rrjetin e saj social Facebook ka reaguar lidhur me përjashtimin e Albin Kurtit, kryetarit të Lëvizjes së Vetëvendosjes nga gara për zgjedhjet e 14 shkurtit.
Ajo në postimin e saj shkruan se Kurti gëzon mbështetjen e madhe të qytetarëve dhe kjo është pakontestueshme, duke shtuar se qytetarët janë të shqetësuar për tendencat e qëllimshme për largimin nga lista e Albinit.
“Në shtetin e kapur, kështu ndodhë! Këto janë përpjekjet dhe shkelmat e fundit të atyre që e kapën shtetin dhe atyre që i shërbyen shtetit të kapur!”, shkruan Haxhiu në postim.
Lajmi kryesor:
Përjashtohet nga kandidimi në zgjedhje, KQZ: I dënuar tre vitet e fundit/ Albin Kurti: Nuk jam në dijeni, do t’i prij listës së LVV-së
J.GJ./ReportTv.al