Kryeministri ende nuk ka dalë nga burgu! Nuk ka tjetër shpjegim logjik refuzimi i Albin Kurtit që t'i bashkohet 'Ballkanit të Hapur':
- E do Serbinë veç për vete, nuk do ta ndajë Serbinë me shtetet e Ballkanit, sidomos me Shqipërinë.
Asnjë shtet i Ballkanit, aq më pak Shqipëria, nuk han zalloga të Serbisë më shumë se Kosova. Në vitin 2021 Kosova u pushtua nga mallrat serbe me një rritje prej 76 %. Pse në 'të zezën', fshehtas, Kosovën e ka shndërruar në pijac të Serbisë, kurse, kur lypset prej tij të dalë hapur t'i mbrojë interesat ekonomike të Kosovës, nuk pranon.Se, hapja do të thotë zbulim i sekreteve.
Kosova nuk e ka asnjë arsye të fshihet nga 'Ballkani i Hapur'. Ç’ka ka ky për të fshehur, që i tutet komunikimit, interesat e Kosovës janë publike! Ç’ka po të mundon! Çelja zemrën Rifatit.
Kur Aleksandër Vuçiç ia ka ofruar rrymë për linjit, ai e ka ditur se Albin Kurti do të thotë 'jo', sepse është i parashikueshëm, siç janë krejt epigonët.
Hiç pa shkëmbim me linjit, energjinë elektrike të Serbisë, bashkë me Martin Berishajn, e blen nga Serbia, më shtrenjtë seç ua shet Serbia, kë po mundohet ta bëj budallë ky!
Ku e ka reciprocitetin? Ku e ka fytyrën?
Nëse nuk i bashkohet 'Ballkanit të Hapur' për arsye se e xhelozon Edi Ramën, i cili ia 'pamundësoi' të bëhet 'baba i shqiptarëve', gabon shumë.
Edi Rama është racional, nuk është dogmat, është i drejtpërdrejt, nuk tjerr si Albin Kurti me rrotulla primitive...
Problemet i zgjidh pa praninë e hyjnive dhe teorive konspirative, si Albin Kurti. Askush nuk ia ndalon t'i jap nasihat botës e ta paraqes veten si gjeni, e Kosovën si superfuqi, përveç e vërteta që ia ndalon.
Sepse, as nuk ka përvojë pune, por edhe ka probleme bazike, sepse i ka përzi teoritë, as kundërshtari më i madh i tij nuk bie në kundërshtim me Albin Kurtin si Albin Kurti që bie në kundërthënie me vetveten.
Ku e gjeti ta xhelozojë bash Edi Ramën. Ai nëse mund t'i ofrohet Abazoviçit deri te zogu i këmbës, boll e ka. Abazoviçi, edhe ky nuk jeton në Shtetin e Platonit, nuk jeton në Utopi, por jeton në Mal të Zi.
Edi Rama si politikan është i paarritshëm për Albin Kurtin. Që është krejtësisht i paditur, qe një shembull taze i sotit. Sot Albin Kurti tha: 'Ballkani e Hapur' nuk mund të ekzistojë pa Kosovën'! Ndërkohë 'Ballkani i Hapur' birinxhi po ekziston pa Kosovën.
Albin Kurti e ka izoluar Kosovën, e ka bë burg sekret, për ta bërë veten të ndjehet i rrezikuar, demek i rëndësishëm. BE ekziston pa 'Ballkanin e Hapur', kurse 'Ballkani i Hapur' nuk ekzistuaka pa Kosovën!
Këtij nuk i dhimbset vetja, e mashtron edhe veten, jo s'po ju mashtron juve. E vetmja ndjenjë që e bën të ndjehet i gjallë është, kur ndjehet i rrezikuar.
P.S. Mendoj se, me mend, Albin Kurti ende nuk ka dalë nga burgu i Serbisë. Dil djalë nga burgu se u kry lufta - beso.... këtu po bëhet gjymysh.... Dil se krejt po çuditen me Ty!
Komente
Hiqe sopatèn nga dora Kimete, hiqe sepse edhe "çarmatimi zanor", tè burgoska dhe nuk tè lejon tè gjesh zgjidhjen e problemit. Edi Ramèn, e bère gjigand, askush nuk krahasohet me tè, nè syrin tènd. Mirè do ishte, tè kishim patur njè gjysèm gjigandi mirèpo realiteti èshtè ca ndryshe. U bars mali dhe polli njè MI,,, Kimete. Voto Edin, ti japèsh presidencèn Ilirit. Tani tek "open ballkan". I pèrnende dyqanet nè Kosovè, me mallrat serbe qè dominojnè gjithçka. Ku èshtè ai sensi patriotik i qytetarit shqiptar pra, qè thotè JO? Unè do blej shqip. A nuk do ishte edhe kjo njè "zgjidhje"? Apo i detyroi Albini pèr ti blerè mallrat serbe? Personalisht, "open ballkan" e shoh si njè klub kollovarèsh qè duan tè krijojnè pèrshtypjen se u bè deti kos. "Çarmatosu" Kimete. Koha do tregojè qè gjigandizmi nuk èshtè fenomen shqiptar,,ama le tè jemi tè paktèn normalè dhe tè bèjmè diçka pèr tè mirèn e pèrbashkèt.
Përgjigju