Ndjekja penale e Sali Berishës dhe arrestimi i dhëndrit të tij Jamarbër Malltezi për aferën e privatizimit të ish kompleksit Partizani ka bërë jehonë edhe jashtë kufijve të Shqipërisë.
“Reuters” në një artikull të publikuar të dielën i referohet Prokurorisë e cila pohoi se Berisha përdori ndikimin e tij si kryeministër nga viti 2005 deri në 2009 për të ushtruar presion “për përfundimin e procedurave të privatizimit në favor të të tjerëve, përfshirë burrin e vajzës së tij”.
“Ai urdhëroi prokurorët e tij mercenarë… Akuzat janë të pabaza dhe janë sulme të drejtpërdrejta politike të Edi Ramës kundër meje”, u tha Berisha gazetarëve të shtunën vonë. Në vitin 2021, Shtetet e Bashkuara ndaluan hyrjen e Berishës dhe familjes së tij duke thënë se si kryeministër ishte përfshirë në “akte korruptive si shpërdorimi i fondeve publike dhe ndërhyrja në proceset publike, duke përfshirë përdorimin e pushtetit të tij për përfitimin e tij dhe për të pasuruar politikën e tij, aleatët dhe anëtarët e familjes së tij”, shkruhet në artikull.
Reuters risjell në vëmendje se në vitin 2021 SHBA-të e shpallën Sali berishën dhe familjen e tij non-grata, duke thënë se gjatë kohës që ai ka qenë kryeministër ishte përfshirë në “akte korruptive si shpërdorimi i fondeve publike dhe ndërhyrja në proceset publike, duke përfshirë përdorimin e pushtetit të tij për përfitimin e tij dhe për të pasuruar politikanët aleatë dhe anëtarët e familjes së tij”.
Një tjetër artikull i ka kushtuar Associated Press cila ka ciatuar akuzat dhe të dhënat e dosjes së Prokurorisë mbi këtë aferë. Ajo bën një përmbledhje të akuzave të SPAK dhe reagimit të Berishës që akuzoi Ramën se qëndron pas kësaj çështjeje. “Rama nuk i është përgjigjur menjëherë pretendimeve të Berishës” – shkruan “Associated Press”. Po ashtu medie të tjera si ABCNews-televizioni i njohur amerikan, japin detaje nga zhvillimet në Tiranë, duke pasqyruar si dosjen e SPAK, por edhe deklarimet e Sali Berishës.
