DURRËS- Një 20 vjeçar është përplasur për vdekje nga një makinë këtë të premte, në segmentin rrugor Shënavlass-Sektor Rinia. Si pasojë e plagëve të marra 20-vjeçari ndërroi jetë në spital.
"Në segmentin rrugor Shënavlash-Sektor Rina, automjeti me drejtues shtetasin L. B., 33 vjeç, ka goditur këmbësorin, shtetasin D. N., 20 vjeç, i cili ka humbur jetën në spital", njofton policia.
Këmbësori u përplas nga automjeti me drejtues një 33-vjeçar, i cili është shoqëruar në Komisariatin e Policisë Durrës, për veprime të mëtejshme.
Burime për gazetarin e Report Tv, Artur Korriku, bënë me dije se i riu është përplasur sapo ka dalë nga një lokal në zonë. Ndërsa paraprakisht raportohet se makina ka qenë me shpejtësi shumë të lartë.
Sipas gazetarit rruga paraqet rrezikshmëri për këmbësorët, pasi është e prishur dhe pa trotuare.
Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.
B.K/ReportTv.al