FIER- Dy mjetet janë përplasur kokë më kokë në Patos ku humbi jetën një efektiv. Report Tv ka siguruar pamjet e aksidentit tragjik që ndodhi mbrëmjen e djeshme. Siç shihet mjetet janë bërë copash. Agron Saba, 58 vjeç, është efektivi që humbi jetën, i cili shërbente në Stacionin e Policisë Patos.
Si pasojë e aksidentit me vdekje është arrestuar një 27-vjeçar me iniciale G.H.,
Aksidenti ka ndodhur dje rreth orës 21:35, në aksin rrugor "Patos-Fier". Efektivi Saba ka qenë duke drejtuar mjetin tip ‘Opel;’ kur ka humbur kontrollin dhe është përplasur me një mjet tip ‘Benz’, i cili drejtohej nga një 27 vjeçar.
Efektivi nuk ka mundur t’i mbijetojë plagëve të marra dhe për pasojë ka ndërruar jetë.
Javët e fundit, aksidentet rrugore kanë qenë me pasoja fatale, duke u marrë jetën rreth 8 personave, bashkë me aksidentin e sotëm në Patos. Aksidenti më i rëndë ka qenë ai tek mbikalimi i TEG-ut, ku tre të rinj humbën jetën për shkak të shpejtësisë.
Është arrestuar 27-vjeçari që u përfshi në aksidentin e mbrëmshëm në Patos ku mbeti viktimë efektivi Agron Saba.
“Në vijim të informacionit paraprak të dhënë mbrëmjen e djeshme, në lidhje me një aksident rrugor, në aksin rrugor "Patos-Fier", specialistët e Sektorit të Qarkullimit Rrugor të DVP Fier arrestuan në flagrancë shtetasin G. H., 27 vjeç, banues në Patos, për veprën penale "Shkelja e rregullave të qarkullimit rrugor", pasi ka aksidentuar, me pasojë vdekjen, shtetasin A. S. (punonjës policie në Stacionin e Policisë Patos)”, njofton Policia.
