Partia Demokratike reagoi sot për aksidentet në rrugën Kardhiq-Delvinë duke thënë se ndonëse ka kushtuar 154 milionë euro, vijon të jetë e papërfunduar duke rrezikuar jetë qytetarësh. Mungesa e bordurave mbrojtëse prej betoni, si dhe e sinjalistikës rrugore janë burim i përhershëm aksidentesh, ashtu siç ndodhi dy ditë më parë, thotë PD.
Në një deklaratë për mediat, nënkryetari, Roland Bejko i bëri thirrje Prokurorisë së Posaçme (SPAK) që të nisë hetimet dhe kontrollet financiare mbi ndërtimin e rrugës.
B.V//ReportTv.al“Rruga Kardhiq-Delvinë, e gjatë 33 km, ndonëse ka kushtuar plot 154 milionë euro, vijon të jetë e papërfunduar dhe pa standardet që do duhet të kishte.
Mungesa e bordurave mbrojtëse prej betoni, si dhe e sinjalistikës rrugore, veçanërisht në segmentin në daljen nga tuneli i Skërficës, janë burim i përhershëm aksidentesh, ashtu siç ndodhi dy ditë më parë, fatkeqësisht me pasoja fatale për jetën e shoferit ukrinas.
Aksidenti i dy ditëve më pare në rrugën Kardhiq- Delvinë, por edhe në rrugët e tjera si kjo, të lëna rrugëve nga Edi Rama, janë një këmbanë alarmi e korrupsionit të kësaj qeverie që duhet dëgjuar nga SPAK dhe strukturat e tjera të hetimit dhe kontrollit financiar.”- u shpreh Bejko.
