Dy të rinj kosovarë kanë humbur jetën mbrëmjen e 5 janarit në një aksident automobilistik në Hungari.
Mediat kosovare njoftojnë se viktimat janë identifikuar si Kushtrim Hoxha dhe Jetmir Rexhepi.
Sipas deklaratave të të afërmve të viktimave për mediat kosovare, Kushtrim Hoxha është djegur brenda makinës pasi kjo e fundit është përfshirë nga flakët, ndërsa Jetmir Rexhepi ka ndërruar jetë rrugës për në spital.
Detajet janë dhënë nga xhaxhai i të ndjerit Kushtrim Hoxha, Bashkim Hoxha.
Mësohet se Kushtrimi Hoxha pas vetes ka lënë një vajzë katër muajshe, kurse Jetmir Rexhepi një djalë 1 vjeç.
Ndër të tjera, xhaxhai i të ndjerit ka deklaruar se kufomat janë ende në Hungari, dhe se nuk ka shumë informacione se si ka ndodhur aksidenti.
Ai ka shtuar se dy të rinjtë kanë qenë duke ardhur për në Kosovë në kohën kur ka ndodhur aksidenti.
K.M/ReportTv.al