Një aksident i rëndë ka ndodhur mesditën e së martës (21 Nëntor) në Horgen të Zvicrës ku një 83-vjeçar nga Kosova ka ndërruar jetë pasi u përplas nga një makinë.
Rrethanat e sakta të aksidentit janë ende të paqarta. Sipas gazetës zviceriane Blick, 83-vjeçari është përplasur teksa po kalonte rrugën në këmbë dhe është hedhur disa metra larg.
Pas mbërritjes në vendngjarje, shërbimet e emergjencës kanë konstatuar vdekjen e 83-vjeçarit.
Sipas raportimit nga Policia zvicerane thuhet se drejtuesi i mjetit ishte një 51-vjeçar i cili po lëvizte në Einsiedlerstrasse drejt Horgenit.
Kjo ngjarje po hetohet nga policia vendase dhe nga prokuroria publike.
S.S/ReportTv.al
Komento
