Dy persona kanë mbetur të plagosur si pasojë e përplasjes së automjeteve tip “Benz” dhe “Fiat” në rrugën Vlorë-Kuç.
Të dëmtuar nga përplasja kanë mbetur drejtuesi dhe pasagjeri i makinës “Benz”. Aktualisht ndodhen në spitalin e Vlorës ku po marrin ndihmën e duhur mjekësore.
Ndërsa policia është vënë në ndjekje të shtetasit A.Ç, drejtuesit të automjetit tip “Fiat” i cili është larguar menjëherë nga vendngjarja.
B.V/ReportTv.al“Rreth orës 16:00, në rrugën Vlorë-Kuç, në fshatin Gjorm, një automjet tip “Benz” me drejtues shtetasin M. M., është përplasur me një automjet tip “Fiat” me drejtues shtetasin A. Ç. Si pasojë e përplasjes kanë mbetur të dëmtuar drejtuesi M. M dhe pasagjeri shtetasi K. M., i automjetit Benz, të cilët ndodhet në spitalin e Vlorës, nën kujdesin e mjekëve”-thuhet në njoftimin e policisë.
